Ci bach direidus yw Bolgi sy'n hoff iawn o'i fwyd. Mae e eisiau bwyd gymaint nes ei fod yn barod i chwarae triciau ar ei ffrindiau wrth newid amser y cloc!

Croeso i ap lyfr diweddaraf Cyw - stori am drafferthion Bolgi gydag amser sydd ar gael i'ch teclyn tabled o'r farchnad aps Android ac ar iTunes.

Gallwch lawrlwytho'r Ap Lyfr yma:

Ynddo bydd cyfle i wrando neu ddarllen y stori, lliwio, chwarae gêm amser, gwneud jig-sô a llu o weithgareddau rhyngweithiol eraill o fewn byd Cyw.

Lawrlwytha Aplyfr Cyw: Amser Bwyd Bolgi nawr er mwyn i ti gael mwynhau'r stori unrhywle, unrhywbryd!

Cynhyrchiad Cube Interactive / Boomerang+ ar gyfer S4/C

Mae eich barn yn bwysig, felly cysylltwch â ni ar y cyfeiriad isod amserbwydbolgi@cubeinteractive.co.uk

Mae caneuon hwyliog Abadas ar gael i'w lawr lwytho oddi ar y we.

O ddydd Llun 27 Chwefror ymlaen, bydd modd lawr lwytho caneuon o'r gyfres Abadas, gan gynnwys 'Medli yr Abadas' a 'Fi ydy…', am 75c y gân, oddi ar safleoedd iTunes, Amazon MP3, Spotify, Emusic, Music beta, rdio, Verizon Wireless, Rhapsody a Zune.

Cyfres i blant bach yw Abadas, sy'n cynnwys cymeriadau hoffus wedi ei hanimeiddio. Y cymeriadau yw: Hari'r hipo swil; Seren yr ystlum annwyl ac Ela'r llwynog llawen.

Maen nhw'n byw o fewn llyfr lliwgar bachgen o'r enw Ben ac mae'r tri'n dod yn fyw wrth iddo agor y tudalennau - dyma pryd fydd yr hwyl a'r canu yn dechrau.

Cynhyrchir y gyfres gan gwmni Dinamo a Kavaleer, mewn cydweithrediad â S4C, CBeebies a RTE. Cyd-lanswyd y gyfres ar y dair sianel ym mis Hydref 2011 ac yn fuan iawn daeth yn ffefryn ymysg y gwylwyr ifanc.

Roedd ymateb y rheini mor ffafriol penderfynwyd cynnig y caneuon i'w lawr lwytho gan rieni a gwarchodwyr.

"O Ble Mae Coed Nadolig Yn Dod?" yw ail raplyfr Rapsgaliwn, yn dilyn yr Aplyfr llwyddiannus "O Ble mae Llaeth yn dod?, ac y mae'r ddau ar gael i chi yn storfa aps Apple.

http://itunes.apple.com/gb/app/rapsgaliwn-raplyfr-2/id483590908?mt=8

Mae'n edrych yn ei raplyfr am yr ateb i gwestiwn pwysig iawn y tro hwn. "O Ble Mae Coed Nadolig Yn Dod?" Ar ei daith bydd yn cwrdd â llawer o gymeriadau, ond pwy fydd Rapsgaliwn yn ei weld yn y goedwig oer, tybed? Ho, ho, ho!

Rydym yn eich gwahodd i gymryd rhan mewn ymchwil sy'n edrych ar effaith rhaglenni teledu ar ddatblygiad iaith plant. Rydym yn edrych yn benodol ar raglenni Cymraeg Cyw i geisio darganfod beth yw eu gwir effaith ar ddatblygiad iaith Gymraeg plant.

Pam ein bod yn gofyn i chi gymryd rhan?

Er mwyn cael gwell darlun o beth yw rôl ac effaith rhaglenni Cymraeg yn y cartref, rydym yn gwahodd unrhyw riant sydd â phlentyn rhwng 0-7 mlwydd oed i gymryd rhan. Nid yw'n orfodol eich bod yn gwylio rhaglenni Cymraeg i gymryd rhan yn yr astudiaeth.

I gymryd rhan wrth ateb holiadur byr, dilynwch y ddolen hon - https://www.surveymonkey.com/s/Y73Q35T

Dyma'ch cyfle i ennill copi o flwyddlyfr lliwgar newydd Cyw, ewch draw i dudalen Facebook Cyw i weld sut i gystadlu!

http://www.facebook.com/Cywars4c

Rheolau Cystadleuaeth Facebook Cyw

Mae'r amodau a thelerau hyn yn rhan o'r rheolau a nodir yn yr hysbysiad cystadleuaeth sy'n ymwneud â Chystadleuaeth Facebook Cyw - Blwyddlyfr Cyw a gyhoeddwyd ar dudalen Facebook Cyw.

I gystadlu, rhaid i chi:

"Hoffi"'r llun o glawr Blwyddlyfr Cyw ar wal Facebook: facebook.com/cywars4c

Y dyddiad cau yw12pm dydd Llun, 14 Tachwedd.

Ni fydd unrhyw geisiadau a wneir ar ol y dyddiad a'r amser cau yn cael eu cynnwys yn y gystadleuaeth.

Mae'r gystadleuaeth yn agored i holl breswylwyr y Deyrnas Unedig 13 oed neu'n hÅ·n, ac eithrio staff S4C, Boomerang, Sain, a gwasg y Lolfa, eu teulu agosaf a chwmnïau y mae ganddynt gyswllt uniongyrchol gyda'r gystadleuaeth hon.

Cynigir un copi o Flwyddlyfr Cyw. Mae cyfyngiad i un cais ar gyfer bob cystadleuydd.

Dewisir un enillydd ar hap o blith yr holl enwau sydd wedi "hoffi" llun y llyfrau unigol fydd ar y wal erbyn y dyddiad cau. Bydd penderfyniad S4C ynghylch yr enillwyr yn derfynol, ac ni atebir unrhyw ohebiaeth.

Ni fydd angen prynu unrhyw beth i gystadlu.

Caniateir un ymgais fesul unigolyn.

Hysbysir yr enillydd mewn neges i'w cyfrif Facebook, ac ar wal Facebook Cyw ar ôl y dyddiad cau. Bydd y wobr yn cael ei bostio i'r enillwyr.

Ar ôl y dyddiad cau, cyhoeddir enw'r enillydd a'r sir y maent yn byw ynddi ar safle Facebook Cyw; ac adran "Oedolion" gwefan Cyw a s4c.co.uk/cyw/oedolion, a safle Caban gwefan S4C s4c.co.uk/caban am 21 diwrnod neu bydd modd cael y wybodaeth hon trwy ffonio Gwifren Gwylwyr S4C.

Trwy gystadlu yn y gystadleuaeth, mae ymgeiswyr:

(a) yn cadarnhau bod yr holl wybodaeth y maent yn ei darparu i S4C yn gywir a'u bod yn bodloni'r holl feini prawf cymhwysedd ar gyfer y gystadleuaeth;

(b) yn cytuno ymrwymo i'r amodau a thelerau hyn; ac

(c) yn cytuno, os byddant yn ennill y gystadleuaeth, y gall S4C ddefnyddio'u henw a'u llun at ddibenion hyrwyddo.

Mae S4C yn cadw'r hawl i ofyn am brawf ysgrifenedig o oedran unrhyw enillydd ac i anghymwyso unrhyw ymgeisydd os bydd ganddi sail resymol dros gredu bod yr ymgeisydd wedi torri unrhyw rai o'r amodau a thelerau hyn.

Rhaid cyflwyno pob cais trwy gyfrwng Facebook. Ni dderbynnir unrhyw geisiadau a gyflwynir trwy gyfrwng unrhyw ddull arall.

Ni ellir cyfnewid neu drosglwyddo'r wobr, ac ni fydd modd hawlio swm ariannol yn gyfnewid amdani.

Mae S4C yn cadw'r hawl i gyfnewid y wobr neu unrhyw ran ohoni am wobr o'r un gwerth ariannol, neu o werth ariannol uwch, a bydd penderfyniad S4C yn hyn o beth yn derfynol.

Ni fydd S4C yn gyfrifol am unrhyw gamgymeriad, diffyg, amhariad, dileu, nam neu oedi mewn unrhyw ddull cyfathrebu a ddefnyddir gan ymgeiswyr neu ar gyfer ceisiadau nad ydynt yn cyrraedd cyn y dyddiad cau. Ni ellir derbyn bod prawf anfon ebost yn cyfateb â phrawf ei bod wedi cyrraedd.

Rhaid i'r enillydd ddarparu eu cyfeiriad er mwyn derbyn y wobr cyn pen 7 diwrnod ar ôl y dyddiad cau. Os na fydd modd i S4C gysylltu â'r enillydd erbyn y dyddiad hwn trwy gyfrwng y manylion cyswllt a ddarparwyd, neu os na fydd modd gwneud trefniadau i ddosbarthu neu gasglu'r wobr yn dilyn ymdrechion rhesymol gan S4C i wneud hynny, bydd gan S4C yr hawl i roi'r wobr i enw arall a ddewisir ar hap o'r holl geisiadau .

Mae S4C yn cadw'r hawl i ddiwygio'r amodau a thelerau hyn neu i ganslo, addasu neu ddiwygio'r gystadleuaeth ar unrhyw adeg o ganlyniad i ddigwyddiadau y tu hwnt i'w rheolaeth.

Mae S4C yn gwahardd unrhyw atebolrwydd i'r graddau llawn a ganiateir gan y gyfraith am unrhyw golled, difrod, anaf neu siomedigaeth a ddioddefir gan unrhyw ymgeisydd, sy'n codi o'r ffaith ei fod ef neu ei bod hi wedi cystadlu yn y gystadleuaeth hon, neu sy'n digwydd i'r enillydd o ganlyniad i'r ffaith eu bod wedi derbyn y wobr.

Dim ond at ddibenion gweinyddu'r gystadleuaeth y bydd S4C/Boomerangyn defnyddio gwybodaeth bersonol yr ymgeiswyr, ac ni fydd yn defnyddio data o'r fath at unrhyw ddibenion eraill. Bydd S4C/Boomerang yn dinistrio'r holl ddata personol y mae'n meddu arno, ac a gafodd fel rhan o'r ceisiadau ar gyfer y gystadleuaeth, ar ôl i'r gystadleuaeth ddod i ben. Prosesir data personol yn unol â darpariaethau Deddf Diogelu Data 1998 ac ni fydd yn cael ei rannu gydag unrhyw drydydd parti heb sicrhau caniatâd ymlaen llaw.

Mae'r gystadleuaeth hon yn rhwym i gyfreithiau Cymru a Lloegr.

Trefnir y gystadleuaeth hon gan a'r hyrwyddwr yw S4C o Barc TÅ· Glas, Llanisien, Caerdydd, CF14 5DU, a dylid cyfeirio unrhyw ymholiadau neu gwynion am y gystadleuaeth hon at Wifren Gwylwyr S4C, 0870 600 4141.

Rapsgaliwn sy'n adrodd y stori ar ffurf penillion, cymeriad sy'n boblogaidd iawn ar raglenni Cyw ar S4C, a thros y misoedd diwethaf mae ei boblogrwydd wedi cynyddu'n aruthrol.

Meddai Siân Eirian, Pennaeth Gwasanaethau Plant S4C: "Rydym yn falch iawn fod enwogrwydd Rapsgaliwn yn dal i ledaenu a'i boblogrwydd yn mynd o nerth i nerth. Bydd llyfr amdano fel un o arwyr mwyaf eiconig plant Cymru ac un o gymeriadau newydd gwasanaeth teledu arloesol S4C, Cyw yn sicr o fod yn llwyddiant ysgubol."

Yn ogystal â bod yn seren ar y teledu, mae Rapsgaliwn hefyd wedi rhyddhau cryno-ddisg o ganeuon. Yn ystod wythnos Eisteddfod yr Urdd yn Abertawe ym mis Mehefin, lle ryddhaodd gân gyda Mistar Urdd, enillodd gannoedd o ddilynwyr newydd o bob oed. Ac erbyn hyn mae'n awdur o fri!

Mae'r stori'n dilyn fformat y rhaglen deledu, a gynhyrchir gan gwmni Fflic, lle mae Rapsgaliwn, yn ei dracwisg sgleiniog aur, yn dod o hyd i atebion i gwestiynau pwysig bywyd gyda chymorth ei raplyfr.

Beca Evans, o gwmni Fflic, yw awdur y stori. Mae'n hanu o Gaerdydd ac wedi cynhyrchu a gweithio ar nifer o raglenni poblogaidd megis Cariad@Iaith, Rapsgaliwn a Cwpwrdd Dillad.

Mae'r llyfr yn brosiect ar y cyd rhwng gwasg y Lolfa, cwmni teledu Fflic a chwmni Cube Interactive, cwmni o Gaerdydd sydd wedi creu'r lluniau ar gyfer gwefan Rapsgaliwn.

Mae'r Lolfa a Cube yn cydweithio hefyd i gynhyrchu ap Rapsgaliwn a fydd yn barod i'w lawrlwytho ym mis Awst. Bydd Appsgaliwn yn cynnwys e-lyfr gyda'r lluniau wedi'u hanimeiddio, tudalennau i'w lliwio a phosau. Meddai Meinir Wyn Edwards o wasg y Lolfa:

"Mae hyn yn ddatblygiad cyffrous iawn. Mae technoleg yn symud mor gyflym y dyddie hyn a phlant yn cael eu sbarduno fwyfwy gan sgrin fach y ffôn a'r iPod yn hytrach na sgrin fawr y teledu a'r cyfrifiadur. Diddorol iawn fydd gweld sut fydd yr arbrawf yn gweithio. Os bydd Appsgaliwn yn llwyddiant, mae posibiliadau di-ben-draw i ehangu ymhellach."

Gallwch brynu a lawrlwytho'r ApLyfr yma:

ApLyfr ar gyfer Tabled iPad

Gallwch brynu'r llyfr yma:

Rapsgaliwn - O Ble Mae Llaeth Yn Dod? Raplyfr 1

Dyma dy gyfle i ddarllen a dysgu'r geiriau er mwyn canu gyda Gareth, Rachael, Einir a Trystan!

Mae'r geiriau oll i'w cael islaw:

- Beicio
- Ble mae Cyw?
- Cân Heini a Tigi
- Cân Hwyl Fawr
- Cân Rapsgaliwn
- Cân Sali Mali a Jac y Jwc
- Cân yr Anifeiliaid
- Chwarae
- Cymharu
- Dewch Blant Cymru
- Dewch i Ddawnsio
- Dwi Ddim Isio
- Dw i'n Sal
- Dwi'n Sori
- Dyddiau'r Wythnos
- Ffrindiau
- Helo, shwmae!
- Lliwiau
- Mynd am Bicnic
- Nadolig Llawen
- Nos Da
- Paentio
- Penblwydd Hapus
- Siapiau
- Teithio
- Y Fferm
- Y Sw
- Y Tywydd