Sioe Cyw, Stwnsh Sadwrn, Gwylltio, Y Lifft, Dyma Fi

Mae digon i'w weld ym mhabell S4C ac o gwmpas Maes Eisteddod yr Urdd 2013 - 27 Mai i 1 Mehefin.

Clicia yma am gopi o'r amserlen i'w hargraffu a'i chadw

System docynnau Cyw

I weld sioe Cyw cyn 1yh, yna dewch i gasglu tocynnau o stondin S4C ar ôl 9.30yb. Bydd tocynnau ar gyfer perfformiadau sydd ymlaen ar ôl 1yh yn cael eu rhyddhau am 12.15yh.

Mae'r tocynnau am ddim a'r sioeau yn hynod boblogaidd - felly cyntaf i'r felin!

Er mwyn rhoi cyfle i gynifer o blant a phosib weld y sioe, gofynnwn yn garedig i geisio cadw'r nifer o oedolion sy'n mynychu i isafswm.

Y plant, ac nid chi fydd y bos yn rhaglen newydd Ti fi a Cyw! Bydd Rohan, Morus, Isobelle, Laura, Gabriel, Ffion a Ieuan yn dysgu'r oedolion sut i siarad Cymraeg, gan ddefnyddio gemau fydd yn gwneud i chi ddysgu a chwerthin ar yr un pryd.

Ti fi a Cyw : Llun - Gwener, 7.50

Bydd sioe Cyw yn cael ei chynnal dair gwaith yn ystod y dydd gan y pedwar cyflwynwydd: Rachael, Gareth, Einir a Trystan, a bydd cymeriad poblogaidd Dona Direidi yn cynnal sesiynau dawnsio hefyd!

Bydd helfa drysor Cyw o gwmpas y fferm i'r rhai bach, gyda chyfle i ennill hamper fawr o nwyddau Cyw, neu beth am gymryd rhan yn helfa cardiau Cyw, lle bydd cyfle i ddod o hyd i gardiau Cyw ar hyd y fferm er mwyn ennill gwobr!

Am wybodaeth teithio a phrisiau, ewch i gael golwg ar wefan Folly Farm: http://www.folly-farm.co.uk/

Croeso i bawb!

Dewch draw i ganu a dawnsio gydag Einir a Gareth yng Nghanolfan Hamdden St Cenydd ar ddydd Mawrth, 26 o Fawrth. Mae'r sesiwn yn rhan o hwyl Miri Meithrin a drefnir gan Fenter Caerffili. Bydd yna lu o weithgareddau ymlaen i ddiddanu plant a rhieni rhwng 10.30-12.30, a bydd cyflwynwyr Cyw yn canu am 11.30. Am fwy o wybodaeth cysylltwch â Ffion Rees o Fenter Caerffili, drwy ffonio (01443) 820 913, neu e-bostio ffionrees@mentercaerffili.org £1 y plentyn.

Mae plant o ysgolion ardal Ceredigion wedi derbyn gwahoddiad i barti arbennig iawn. I ddathlu Diwrnod y Llyfr ddydd Iau a dydd Gwener 7 ac 8 o Fawrth, fe fydd y plant yn ymuno â rhai o'i hoff gymeriadau o Bentref Bach fel Bili Bom Bom, Coblyn a Siani Flewog mewn parti syrpreis mae Sali Mali wedi'i drefnu ar gyfer Jac Do ym Mhentre Bach.

Yn ogystal â dathlu Diwrnod y Llyfr mae'n ddiwrnod i ddathlu pecyn dysgu darllen cynhwysfawr newydd sy'n seiliedig ar Pentre Bach, a fydd yn cael ei gyhoeddi gan Gwasg Gomer ym mis Mawrth. Bydd y pecyn yn cynnwys cardiau Pentre Bach, cardiau'r wyddor, llyfrau dysgu darllen, llyfr cynhwysfawr o weithgareddau, cardiau post Pentre Bach, 4 llyfr stori a llun a cd rom o adnoddau ychwanegol.

Mae'r diwrnod ym Mhentref Bach wedi ei drefnu ar y cyd rhwng S4C, Pentre Bach, Awdurdod Addysg Sir Geredigion, Gwasanaethau Llyfrgell y Sir, ac Euros Lewis a chriw o fyfyrwyr Prifysgol y Drindod Dewi Sant.

Bydd y plant yn cael chwarae gemau parti, gwrando ar storïau, cael rhagflas o'r llyfrau, paratoi ar gyfer y parti, dyfeisio anrheg, canu ac wrth gwrs bwyta llond gwlad o jeli wibl wobl Sali Mali!

"Cymru a'i Holl Amrywiaeth" - Rhaglen blant newydd ar S4C

Mae Dwylo'r Enfys yn gyfres blant newydd sy'n ymweld â phlant ac anghenion arbennig ledled Cymru. Bob wythnos fe fydd Cawod a Heulwen, dau gymeriad bywiog a lliwgar sydd yn byw ym Mhendraw'r Enfys yn dod draw i Gymru i gyfarfod â'r plant arbennig ac yn cyflwyno tri arwydd Makaton newydd yr wythnos.

Rhaglen ieithyddol yw Makaton sy'n defnyddio lleferydd, arwydd a symbol i annog cyfathrebu ac mae'n system sy'n cael ei defnyddio gan dros 100,000 o blant ac oedolion ledled y byd heddiw.

Mae nifer o DVDs arwyddo a chanu gyda Makaton ar gael yn Saesneg, ac mae'r rhaglen Something Special ar sianel CBeebies yn hynod boblogaidd, ond does dim darpariaeth na deunydd dysgu Makaton o unrhyw fath wedi bod ar gael trwy gyfrwng y Gymraeg cyn hyn.

Mae Dwylo'r Enfys yn cael ei ddarlledu bob bore Llun, am 8.30.

Os ydych chi eisiau dilyn anturiaethau a hanesion cyfres newydd 'Dwylo'r Enfys' sydd ar wasanaeth Cyw bob dydd Llun am 8.30, yna ewch draw i'w tudalen Facebook wych!

KidScreen yw'r prif gylchgrawn rhyngwladol sy'n arbenigo mewn adloniant proffesiynnol i blant.

Mae KidScreen yn cyrraedd cynulleidfa o dros ddeuddeg mil o bobl yn flynyddol, llawer o'r rheiny yn unigolion dylanwadol ym myd busnes adloniant plant ledled y byd.

Mae gwefan Cyw wedi ei henwebu yng nghategori 'Y wefan orau i gyd-fynd â rhaglen', ac mae ffilm Y Raplyfr Coll a gynhyrchwyd gan gwmni Fflic wedi ei enwebu yn y categori 'Ffilm Deledu neu Raglen Unigryw Arbennig'.

Mae gwefan Cyw yn cael ei dylunio a'r gweinyddu gan Boom Plant ar y cyd â Chwmni Cube o Gaerdydd. Mae'r wefan yn cynnwys rhaglenni, gemau, deunydd creu i blant, ryseitiau, adran pen-blwyddi, ac adran i oedolion. 

Ffilm arbennig a ddarlledwyd y llynedd yw Y Raplyfr Coll. Yn y ffilm, a gynhyrchwyd gan gwmni Fflic, mae Rapsgaliwn (rapiwr gorau'r byd) yn dathlu ei ben-blwydd ac yn gwahodd ei ffrindiau o raglen Cyw i'w barti mawreddog. Mae'n ffilm liwgar llawn canu a dawnsio sy'n cynnwys hoff gymeriadau plant bach Cymru.

Mae Gwasanaeth Cyw wedi cael cryn lwyddiant a chlod yn ddiweddar; yn gynharach y mis hwn enwebwyd Gwasanaeth Cyw ar gyfer gwobr 'Sianel y Flwyddyn' yng ngwobrau BAFTA Plant 2012.

Meddai Sioned Wyn Roberts, comisiynydd cynnwys plant S4C am yr enwebiad yng Ngwobrau KidScreen 2013:
"Mae hyn yn bluen fawr yn het S4C. Mae gwobrau KidScreen yn cael eu cydnabod ledled y byd ac yn wobrau pwysig ym myd diwydiant adloniant plant. Rydym ni'n hynod falch bod gwefan Cyw a ffilm Y Raplyfr Coll wedi cael eu henwebu a hoffem longyfarch Cube a Fflic ar eu llwyddiant hefyd".

Cyhoeddir enillwyr y categorïau mewn cyflwyniad arbennig yn Efrog Newydd ar 6 Chwefror 2013.

LLONGYFARCHIADAU I HELEN WATKINS O BENARTH AM ENNILL GWOBRAU CYW.

Mae S4C yn awyddus i glywed barn rhieni am raglenni a gwasanaeth Cyw. A fyddech cystal â chymryd ychydig funudau i lenwi'r arolwg canlynol os gwelwch yn dda?

www.surveymonkey.com/s/cyw

Bydd enwau pawb sy'n cwblhau'r holiadur erbyn 5yh ar 25 Ionawr, 2013 yn cael eu rhoi mewn het gyda chyfle i ennill bag nwyddau Cyw, yn cynnwys y llyfr newydd Cyw a'i Ffrindiau!

Rhaid bod dros 18 oed i gymryd rhan. Caniateir un ymgais fesul unigolyn. Telerau ac amodau llawn y gystadleuaeth am ddim, ar gael ar cyw.s4c.co.uk/assets/3rd_party_sites/cystadleuaeth/cy_holiadurcyw.shtml

Mae'r amodau a thelerau hyn yn rhan o'r rheolau a nodir yn yr hysbysiad cystadleuaeth sy'n ymwneud â Chystadleuaeth holiadur Cyw a gyhoeddwyd ar wefan www.surveymonkey.com/s/cyw.

I gystadlu, rhaid i chi : Lanw holiadur Cyw ar wefan www.surveymonkeys.com/s/cyw, ac hefyd nodi eich cyfeiriad ebost er mwyn bod a chyfle i ennill. Bydd yr enillydd yn cael ei ddewis ar hap.

Y dyddiad cau yw Ionawr, 25ain o Ionawr, 2013 am 5yh, Ni fydd unrhyw geisiadau a wneir ar ol y dyddiad a'r amser cau yn cael eu cynnwys yn y gystadleuaeth.

Mae'r gystadleuaeth yn agored i holl breswylwyr y Deyrnas Unedig 18 oed neu'n hŶn, ac eithrio staff S4C, Sain a Boomerang, eu teulu agosaf a chwmnïau y mae ganddynt gyswllt uniongyrchol gyda'r gystadleuaeth hon.

Cynigir 3 gwobr i un enillydd sef bag Cyw yn cynnwys pyjamas Cyw, Blwyddlyfr Cyw, a llyfr newydd Cyw a'i ffrindiau.

Dewisir 1 enillydd ar hap o blith yr holl enwau sydd wedi llenwi'r holiadur a nodi ebost a gyflwynir erbyn y dyddiad cau. Bydd penderfyniad S4C ynghylch yr enillwyr yn derfynol, ac ni atebir unrhyw ohebiaeth.

Ni fydd angen prynu unrhyw beth i gystadlu.

Caniateir un ymgais fesul unigolyn.

Hysbysir yr enillydd ar ôl y dyddiad cau drwy aelod S4C (Sara Hampson-Jones) fydd yn cysylltu a'r enillydd drwy ebost. Bydd y wobr yn cael ei bostio i'r enillwyr.

Ar ôl y dyddiad cau, cyhoeddir enw'r enillydd a'r sir y maent yn byw ynddi ar safle Facebook Cyw a safle oedolion gwefan Cyw a s4c.co.uk/cystadlaethau am 21 diwrnod neu bydd modd cael y wybodaeth hon trwy ffonio Gwifren Gwylwyr S4C.

Trwy gystadlu yn y gystadleuaeth, mae ymgeiswyr:
(a) yn cadarnhau bod yr holl wybodaeth y maent yn ei darparu i S4C yn gywir a'u bod yn bodloni'r holl feini prawf cymhwysedd ar gyfer y gystadleuaeth;
(b) yn cytuno ymrwymo i'r amodau a thelerau hyn; ac
(c) yn cytuno, os byddant yn ennill y gystadleuaeth, y gall S4C ddefnyddio'u henw a'u llun at ddibenion hyrwyddo.

Mae S4C yn cadw'r hawl i ofyn am brawf ysgrifenedig o oedran unrhyw enillydd ac i anghymwyso unrhyw ymgeisydd os bydd ganddi sail resymol dros gredu bod yr ymgeisydd wedi torri unrhyw rai o'r amodau a thelerau hyn.

Rhaid cyflwyno pob cais trwy wefan surveymonkeys.com/s/cyw. geisiadau a gyflwynir trwy gyfrwng unrhyw ddull arall.

Ni ellir cyfenwid neu drosglwyddo'r wobr, ac ni fydd modd hawlio swm ariannol yn gyfnewid amdani.

Mae S4C yn cadw'r hawl i gyfnewid y wobr neu unrhyw ran ohoni am wobr o'r un gwerth ariannol, neu o werth ariannol uwch, a bydd penderfyniad S4C yn hyn o beth yn derfynol.

Ni fydd S4C yn gyfrifol am unrhyw gamgymeriad, diffyg, amhariad, dileu, nam neu oedi mewn unrhyw ddull cyfathrebu a ddefnyddir gan ymgeiswyr neu ar gyfer ceisiadau nad ydynt yn cyrraedd cyn y dyddiad cau.

Rhaid i'r enillydd ddarparu eu cyfeiriad er mwyn derbyn y wobr cyn pen 14 diwrnod ar ôl y dyddiad cau. Os na fydd modd i S4C gysylltu â'r enillydd erbyn y dyddiad hwn trwy gyfrwng

y manylion cyswllt a ddarparwyd, neu os na fydd modd gwneud trefniadau i ddosbarthu neu gasglu'r wobr yn dilyn ymdrechion rhesymol gan S4C i wneud hynny, bydd gan S4C yr hawl i roi'r wobr i'r ail orau neu ddefnyddio'r wobr mewn unrhyw weithgarwch hyrwyddo gan S4C yn y dyfodol, yn unol â'i disgresiwn llwyr.

Mae S4C yn cadw'r hawl i ddiwygio'r amodau a thelerau hyn neu i ganslo, addasu neu ddiwygio'r gystadleuaeth ar unrhyw adeg o ganlyniad i ddigwyddiadau y tu hwnt i'w rheolaeth.

Mae S4C yn gwahardd unrhyw atebolrwydd i'r graddau llawn a ganiateir gan y gyfraith am unrhyw golled, difrod, anaf neu siomedigaeth a ddioddefir gan unrhyw ymgeisydd, sy'n codi o'r ffaith ei fod ef neu ei bod hi wedi cystadlu yn y gystadleuaeth hon, neu sy'n digwydd i'r enillydd o ganlyniad i'r ffaith eu bod wedi derbyn y wobr.

Dim ond at ddibenion gweinyddu'r gystadleuaeth y bydd S4C yn defnyddio gwybodaeth bersonol yr ymgeiswyr (hy. cyfeiriad ebost) at unrhyw ddibenion eraill, ond byddant yn defnyddio gwybodaeth o'r holiadur ar gyfer defnydd ymchwil. Bydd S4C/Boomerang yn dinistrio'r holl ddata personol y mae'n meddu arno, ac a gafodd fel rhan o'r ceisiadau ar gyfer y gystadleuaeth, ar ôl i'r gystadleuaeth ddod i ben. Prosesir data personol yn unol â darpariaethau Deddf Diogelu Data 1998 ac ni fydd yn cael ei rannu gydag unrhyw drydydd parti heb sicrhau caniatâd ymlaen llaw.

Mae'r gystadleuaeth hon yn rhwym i gyfreithiau Cymru a Lloegr.

Trefnir y gystadleuaeth hon gan a'r hyrwyddwr yw S4C o Barc TŶ Glas, Llanisien, Caerdydd, CF14 5DU, a dylid cyfeirio unrhyw ymholiadau neu gwynion am y gystadleuaeth hon at Wifren Gwylwyr S4C, 0870 600 4141.